உயர்தர பரீட்சை பெறுபேறுகள் வெளியீடு - பரீட்சைகள் திணைக்களம் விடுத்துள்ள முக்கிய செய்தி


நடந்து முடிந்த உயர்தர பரீட்சை பெறுபேறுகளை எதிர்வரும் 30ம் திகதிக்கு முன்னர் வெளியிடுவதற்கு பரீட்சைகள் திணைக்களம் நடவடிக்கை எடுத்துள்ளது.

பரீட்சைகள் ஆணையாளர் நாயகம் சனத் பூஜித்த இதனை தெரிவித்துள்ளார்.

பெறுபேறுகளை வெளியிடுவதற்கான பணிகள் இறுதிக் கட்டத்தினை அடைந்துள்ளதாக அவர் குறிப்பிட்டுள்ளார்.

அதேநேரம் நடைபெறவுள்ள பரீட்சைகளுக்கான திகதிகளை மாற்றுவதற்கு எந்தவொரு தீர்மானமும் மேற்கொள்ளவில்லை என பரீட்சைகள் ஆணையாளர் நாயகம் சனத் பூஜித்த இதனை தெரிவித்துள்ளார்.

அனைத்து பாடசாலைகளும் தற்போது இயங்கும் முறையில் சுகாதார வழிகாட்டியினை பின்பற்றி தொடர்ந்து முன்னெடுத்து செல்லப்படும் என கல்வி அமைச்சு அறிவித்துள்ளது.

பாடசாலைகளின் அதிபரின் தலைமையில் நியமிக்கப்பட்டுள்ள குழுவின் ஊடாக அந்தந்த பாடசாலைகளின் செயற்பாடுகள் முன்னெடுத்து செல்லப்படும் என கல்வி அமைச்சின் செயலாளர் பேராசிரியர் கபில பெரேரா தெரிவித்துள்ளார்.

கொரோனா வைரஸ் தொற்று காரணமாக அடுத்த மாதம் 31ம் திகதி வரை அமுலாகும் வகையில் அரசாங்கத்தினால் கடந்த 23ம் திகதி சுகாதார வழிகாட்டியொன்று வெளியிடப்பட்டது.

இதற்கமைய பாடசாலைகள் மற்றும் முன்பள்ளிகளில் 50 சதவீத மாணவர்களை கொண்டு கற்றல் செயற்பாடுகளை முன்னெடுத்து செல்வதற்கு அனுமதி வழங்கப்பட்டிருந்தது.

அதேநேரம், பல்கலைக்கழகங்கள்,உயர் கல்வி நிறுவனங்கள் என்பன மூடப்படுவதுடன் மேலதிக வகுப்புகளுக்கும் தடை விதிக்கப்பட்டுள்ளமை குறிப்பிடத்தக்கது.

No comments: