நேற்றைய தினம் அடையாளம் காணப்பட்ட கொரோனா தொற்றாளர்கள்


நாட்டில்  நேற்றைய தினத்தில் 409 பேருக்கு கொரோனா வைரஸ் தொற்று உறுதிப்படுத்தப்பட்டுள்ளது.

இவ்வாறு தொற்று கண்டறியப்பட்டவர்களில் 8 பேர் தனிமைப்படுத்தல் நிலையங்களில் உள்ளவர்கள் என்பதுடன் ஏனைய 401 பேரும் முன்னர் அடையாளம் காணப்பட்ட தொற்றாளர்களுடன் நெருங்கிய தொடர்புடையவர்கள் என சுகாதார அமைச்சு தெரிவித்துள்ளது.

இதன்படி, மினுவாங்கொடை மற்றும் பேலியகொடை கொரோனா கொத்தணியில் தொற்று கண்டறியப்பட்டவர்களின் மொத்த எண்ணிக்கை 8266 ஆக அதிகரித்துள்ளது. 

இதேவேளை, நாட்டில் வைரஸ் தொற்றினால் பாதிக்கப்பட்டவர்களின் மொத்த எண்ணிக்கை 11744 ஆக அதிகரித்துள்ளது.

மேலும், வைரஸ் தொற்றிலிருந்து இதுவரை 5581 பேர் குணமடைந்துள்ள நிலையில் இன்னும்  6140 பேர் தொடர்ந்து சிகிச்சை பெற்று வருகின்றனர்.

இதேவேளை கொரோனா தொற்றுக் காரணமாக நேற்றைய தினம் 22 மற்றும் 23வது உயிரிழப்பு சம்பவங்களும் பதிவாகியுள்ளமைக் குறிப்பிடத்தக்கது.

No comments: