ஹெரோயின் விற்பனை தொடர்பில் இரு பெண்கள் உள்ளிட்ட மூவர் கைது


அம்பாறை – ஒழுவில் பகுதியில் ஹெரோயின் விற்பனை தொடர்பில் இரு பெண்கள் உள்ளிட்ட மூவர், நேற்று மாலை முன்னெடுக்கப்பட்ட சுற்றிவளைப்பின் போது கைது செய்யப்பட்டுள்ளனர்.

25 கிராம் ஹெரோயினை முச்சக்கரவண்டியில் வைத்திருந்தபோது ஆண் ஒருவர் கைது செய்யப்பட்டுள்ளதோடு,இவருக்கு உதவி புரிந்தமை தொடர்பில் ஏனைய இரண்டு பெண்களும் கைது செய்யப்பட்டதாக பொலிஸார் குறிப்பிட்டுள்ளனர்.

போதைப்பொருள் விற்பனையில் திரட்டிய 19,000 ரூபா பணமும் சந்தேக நபர்களிடமிருந்து பறிமுதல் செய்யப்பட்டுள்ளது.

மேலும்,சந்தேக நபர்களை அக்கரைப்பற்று நீதவான் முன்னிலையில் ஆஜர்படுத்த நடவடிக்கை எடுக்கப்பட்டுள்ளதோடு,அக்கரைப்பற்று பொலிஸார் இச்சம்பவம் தொடர்பில் மேலதிக விசாரணைகளை மேற்கொண்டு வருகின்றதாகவும் குறிப்பிடப்பட்டுள்ளது.

No comments: