20வது திருத்தத்திற்கு எதிராக நாளை வரையில் உயர் நீதிமன்றத்தில் மனுதாக்கல் செய்யமுடியும்


பாராளுமன்றத்தில் முன்வைக்கப்பட்டுள்ள 20வது அரசியலமைப்பு திருத்தம் தொடர்பான சட்டமூலத்தை சவாலுக்கு உட்படுத்தி நாளை வரை உயர் நீதிமன்றத்தில் மனுக்களை தாக்கல் செய்ய முடியும் என தெரிவிக்கப்பட்டுள்ளது.

கடந்த 22ம் திகதி 20வது அரசியல் அமைப்பு திருத்தம் தொடர்பான சட்டமூலத்தை நீதி அமைச்சர் அலி சப்ரி பாராளுமன்றத்தின் முன்வைத்தார்.

அவ்வாறு முன்வைக்கப்பட்டுள்ள 20வது அரசியல் அமைப்பு திருத்தத்தை சவாலுக்கு உட்படுத்தி நீதிமன்றத்தை நாட கடந்த ஒருவார கால அவகாசம் வழங்கப்பட்டதன் ஊடாக  20வது அரசியல் அமைப்பு திருத்தத்தை எதிர்த்து 20 க்கும் குறைவான மனுக்கல் தாக்கல் செய்யப்பட்டுள்ளன.

தீர்ப்பை வழங்க 21 நாட்கள் உயர் நீதிமன்றத்திற்கு கால அவகாசம் வழங்கப்பட்டுள்ளதோடு,இந்த காலப் பகுதியில் குறித்த சட்டமூலம் தொடர்பில் எந்தவொரு நடவடிக்கையையும் பாராளுமன்றத்தால் எடுக்க முடியாது  எனவும் தெரிவிக்கப்பட்டுள்ளது.

இதேவேளை, இன்றைய தினம் ஸ்ரீலங்கா முஸ்லீம் காங்கிரஸ் 20வது அரசியல் அமைப்பு திருத்த சட்டமூலத்தை எதிர்த்து மனு ஒன்றை தாக்கல் செய்யவுள்ளதாகவும் தெரிவிக்கப்படுகின்றது.

No comments: