அம்பாறையில் சிறுமி துஷ்பிரயோகம் இளைஞன் கைது!




(கனகராசா சரசவணன்)
அம்பாறை மாவட்டம் ஆலையடிவேம்பு கண்ணகிபுரம் பிரதேசத்தில் 13 வயது சிறுமி ஒருவரை பாலியல் துஷ்பிரயோகத்திற்கு உட்படுத்திய 19 வயதுடைய இளைஞர் சிறுமியின் தந்தையார் தாயார் உட்பட மூவரையும் எதிர்வரும் 16 ம் திகதி வரை விளக்கமறியலில் வைக்குமாறு அக்கரைப்பற்று நீதவான் நீதிமன்ற நீதவான் எம்.எச்.எம்.ஹம்ஸா கடந்த புதன்கிழமை (03) உத்தரவிட்டார்.

குறித்த பிரதேசத்தைச் சேர்ந்த சிறுமியை கடந்த சில மாதங்களுக்கு முன்னர் சிறுமியின் பெற்றோர் 19 வயதுடைய இளைஞர் ஒருவருக்கு சட்டத்திற்கு முரணாக திருமணம் முடித்து வைத்துள்ளர்.

இதன் பின்னர் சில மாதங்களில் இருவரையும் பிரித்து வைக்கப்பட்டுள்ளனர் இந்த நிலையில் சிறுமியின் தந்தையாரின் சகோதரியின் கணவர் சிறுமியை பாலியல் துஷ;பிரயோகம் மேற்கொண்டுள்ள நிலையில் சிறுமியின் மாமரியாருக்கு இது தெரிய வந்ததையடுத்து அவர் பொலிசாருக்கு தகவல் வழங்கியுள்ளதாக பொலிசாரின் ஆரம்ப விசாரணையில் தெரியவந்துள்ளது

இதனையடுத்து பொலிசார் திருமணம் முடித்த 19 வயது இளைஞரையும் சிறுமியின் தந்தை தாயார் உட்பட 3 பேரை கைது செய்ததுடன் பாதிக்கப்பட் சிறுமியை சிகிச்சைக்காக வைத்தியசாலையில் அனுமதித்துள்ளனர்.

இதேவேளை தலை மறைவாகியுள்ள சிறுமியின் மாமரியாரின் கணவரை கைது செய்வதற்கான நடவடிக்கைகளை பொலிசார் மேற்கொண்டு வருகின்றனர்.

இதில் கைது செய்யப்பட்ட 19 வயதுடைய கணவன், சிறுமியின் தந்தை, தாயார் உட்பட 3 வரையும் அக்கரைப்பற்று நீதவான் நீதிமன்ற நீதவான் எம்.எச்.எம்.ஹம்ஸா முன்னிலையில் கடந்த புதன்கிழமை (03) ஆஜர்படுத்தப்பட்டபோது இருவரையும் எதிர்வரும் 16 ம் திகதி வரை 14 நாட்கள் விளக்கமறியலில் வைக்குமாறு நீதவான் உத்தரவிட்டார்

No comments: